09/13 22:13
كلمة نطع فى مجتمعنا هى دايمًا الكلمة المناسبة لوصف أى راجل مش على مزاجنا أو مش تمام، المبصباصاتى والكلامنجى والحورتجى وعديم المسئولية وعديم الدم كمان! كل واحدة مننا فى حياتها راجل واحد- ع الأقل- فيه صفة من دول، ورغم إن دى كلها صفات ملهاش علاقة إطلاقًا ببعض، إلا إن النطاعة بتجمع بينهم وبتعمل أحلى ميكس أو جايز أوحش ميكس! عشان كده سألنا مجموعة من البنات «مين هو الراجل النطع؟!» وتباينت الآراء.
الراجل النطع هو اللى بيعامل أمه وأخته وحش، وآخر الليل يبقى بيتحايل على حبيبته عشان تصالحه، واللى يحسسها إنى عورة وحاجة مستخبية مينفعش حد يشوفها بدافع الحب.
اللى بيفضل قاعد قدام التليفزيون مابيعملش أى حاجة فى شغل البيت ومراته طبعًا طلعان عينيها ولما تيجى تعدى من قدام التليفزيون يزعقلها عشان مش شايف.
الراجل النطع ده هو الراجل غير المسئول، الاعتمادى واللى مبيعرفش يتصرف صح ومحتاج دايمًا حد معاه يوجهه ويقوله يعمل إيه فين وإمتى وإزاى.
راجل بطل يصرف على مراته لمجرد إنها اشتغلت أو قاطع أمه وأبوه عشان يرضى مراته أو اللى دايمًا مبيكونش معاه فكة وهو خارج مع بنت أو اللى يخلى مراته تنزل السوبر ماركت لوحدها.
اللى بيكون شايف إن له حقوق كتير جدًا لمجرد إنه راجل وتفكيره دايمًا بيبقى رجعى وذكورى ومتخلف.
الراجل النطع ده هو أى راجل بيخلى البنت تدفع الحساب لنفسها أو دايمًا كسول ووجوده زى قلته، يعنى لو خارج مع حبيبته، البنت هى اللى بتختار مكان الخروجة وبتجهزلها أو يحاسبلها.
النطع ده راجل مالوش لازمة فى بيته أو فى الحياة عامة، دايمًا بيكون رامى الحِمل كله على مراته ومضيع فلوسه على حاجات ملهاش أى تلاتين لازمة.
أنا شايفة إن النطع ده خسارة كلمة «راجل» فيه أساسًا لأنه شخص عديم الإحساس والمسئولية، وبيبقى عالة ع اللى حواليه وع المجتمع كله.
النطع ده أى راجل شايف مراته دورها كله بيتمحور حوالين الطبخ والتنضيف والغسيل، بل وكمان مبيقبلش أبدًا فكرة إن مراته تكون أنجح منه.
الراجل النطع ده زيه بالظبط زى الكبايات اللى محطوطة فى النيش! مكتوب فى بطاقته ذكر ومحسوب ع الرجالة وكل حاجة، بس واقعيًا هو مالوش أى تلاتين لازمة.. ولا عزاء للرجال!
خاض الزمالك مران اليوم، على ملعب عبد اللطيف أبو رجيلة، استعداداََ لمباراة الداخلية في الجولة الثانية من الدوري الممتاز. وشهدت التدريبات، تقسيم المونتنيجري نيبوشا، لاعبي الفريق إلى مجموعتين، من أجل ...
شنت الوحدة المحلية لمركز ومدينة دار السلام، جنوب محافظة سوهاج، اليوم الأربعاء، حملة مكبرة للنظافة ورفع الإشغالات شملت شوارع المدينة، وامتدت إلى الطريق السريع. شارك في الحملة حسام محمدين رئيس مركز ...
